يوم الجمعه
السبت، ٢٣ رجب ١٤٢٩ هـ
صباحكم خير...
اليوم الجمعه-اقصد امس- مر ثقيل مدري ليه...اللي خفف ثقالة هاليوم هو ياسر حبيب قلبي
توه بدا يحبي وقام يخرب الدنيا اللي يلقاها بطريقه وعلى راسها اللاب توب بس ماعليه يمون
المهم
من زمان مرررة وانا اعتبر يوم الجمعه يوم ماله اي داعي -بالرغم من اهميته الدينية- الا اني تطبعت على هالشي من مدة طويلة
ماودي اخرج فيه ولاودي اروح لاي مكان
يعني يوم كسل من اوله الى اخره باستثناء الصلاة -الله يكسبنا اجرها-
وكل اللي اعرفهم مايتحركون بهاليوم نهائياً
طب ليش هالاحساس مع الكثير من الناس؟
يمكن عشان تعودنا ان يوم الجمعه يليه يوم السبت؟ اقصد ايام المدرسة...
طب ليه ماتعودنا ان يوم الجمعه هذا يكون فيه نشاطات مبهجة مثله مثل يوم الخميس؟
قبل فترة بسيطة كان فيه حديث داير بان الدولة في صدد تغيير العطلة الرسمية في البلد من الخميس والجمعه الى الجمعه والسبت
تصدقون عاد
انا كنت من الذين ايدوا القرار هذا<< طبعاً محد ماخذ رأيي بهالموضوع
يمكن لاني كنت استشرف الامر هذا؟ بغض النظر عن الفوايد المالية والاقتصادية اللي راح تعود على البلد من هالتغيير
كون المنظمات المالية والاقتصادية بالعالم تكون عاملة يومي الخميس والجمعه واحنا طبعاً نايمين في العسل
مو عشان كذا بس
كل اللي كنت ابيه من هالتغيير
ان يكون يوم الجمعه له عندي طعم ثاني لانه راح يكون اول يوم في الاجازة الاسبوعية
على العموم
كل الكلام اللي قلته اعلاه لاتاخذون فيه
لانه طلع من ملل
مع السلامة
٢٤ رجب ١٤٢٩ هـ في ١١:٥٤ م
مثلي تماماً
يوم الجمعه يوم ثقيل و أصبح فيه خامدة جداً
أظن السبب بأنه يلي يوم الخميس ال>ي غالبا ما نخرج فيه ونكون بكامل حيويتنا وما ان ينتهي اليوم بعد السهر حتى يأتي الجمعه ونحن أستنزفنا كل ما لدينا في الخميس ونحمل هم السبت معنا فيصبح أثقل وأثقل..
تقبل مروري
دمت بسلآم
..
٢٥ رجب ١٤٢٩ هـ في ٦:٠٥ ص
فعلا .. بعد ما تغيرت الاجازة عندنا
تغيّر جدول يوم الجمعة ..
يوم الجمعة احسه يوم خاص بصلة الارحام
خصوصا الضحى ..
عموما يبقى يوم مختلف و له ميزته الخاصة !
٢٦ رجب ١٤٢٩ هـ في ١٢:٣٣ ص
بشاير
ذات الشمم
مشكورين على مروركم
١ شعبان ١٤٢٩ هـ في ٢:٢٣ ص
اممممممم
اخالفك
انا يوم الجمعه يووم خاص احبة بكل تفاصيله
من قومتنا بدري
عشان اخواني يرحون صلاة الجماعه
للمه على الفطور الي نفقدها الخميس بسبب السهر
صح ثقيل شوي عشان بعده سبت
وياكرهي لك يالسبت >> طبعا السبب مععروف للكل هع
١ شعبان ١٤٢٩ هـ في ٧:١٣ م
اوافقك الراي
اخوي وحبيبي رايد
وثقل يوم الجمعة ناتج عن انه قصير او نحس بقصره وسرعته و ان العمل ينتظرنا
في اليوم التالي ..........
٢ شعبان ١٤٢٩ هـ في ١:٠٣ ص
بنت ابوها:
هلا فيك وكويس ان يوم الجمعه عندكم فيه شوية نشاطات
احسن من اللي عندنا
ودايم ان شالله ايامكم كلها نشاطات
٢ شعبان ١٤٢٩ هـ في ١:٠٤ ص
شاكر الحارثي:
عليك نووور
يمكن هذا اللي يوصل لنا هالاحساس بيوم الجمعه
لكن ان شالله نحاول نخليه مختلف
٣ رمضان ١٤٢٩ هـ في ٢:١٤ م
والله موضوع جميل بالعكس
وبما اني من الدوله اللي غيرت عطلتها
فاني كنت معارضه بالاول
بس بعد التجربه حبيتها لانه فعلا صار يوم الجمعه عندنا غيييييير بعده عطله
وقمنا نستمتع فيه عدل
يعطيك العافيه
وقبالكم ماتغير عطلتكم وتحسون بيوم الجمعه
والله يخليلك ياسر يارب ويصلحه
^_^